街牌傾斜路署唔踢唔理
路牌恍如「比薩斜塔」，路政署被轟「唔踢唔郁」遲修繕！不時出入沙田圍的梁女士指出，沙田沙角街有一標示「行人天橋」路牌，於九月下旬已告傾斜，而且傾斜幅度日益嚴重，「路政署乜冇派人落區巡查架咩？點解斜咗咁耐都冇人理？」梁指上述路牌毗連小巴站，每天繁忙時間均有市民候車，擔心路牌一旦下塌會傷及途人。
路政署發言人表示，接獲本報查詢後已派員實地查察，發現該路牌支架略呈傾斜，已經指示承建商完成了維修。
梁女士坦言對路政署的回應大表不滿，認為有失職之嫌，「個路牌斜到咁都叫『略呈』傾斜，咁係咪要跌落嚟整親人先叫嚴重呀？」梁女士又指部門需市民反映才作出維修，有過於被動之嫌，做法令人失望。