近期外傭居港權案引起各界議論紛紛，更形成一股不滿外傭嘅情緒。平等機會委員會主席林煥光尋日出席活動時，就話有部分人士喺網上留言或以冒犯言語批評外傭，雖然該會未有接獲正式投訴，但強調若任何人針對某種族人士出言侮辱，或會觸犯種族歧視條例。佢又話，香港係個有言論自由嘅社會，市民對政策表達意見嘅同時，亦應尊重不同種族嘅人士。
