政情：項明生捐六千蚊唔等政府派
近排唔少長者已經收到政府嗰六千蚊，估唔到望落後生嘅Sony Computer Entertainment香港分公司董事項明生（James），就話自己已捐咗六千蚊畀慈善機構國際小母牛香港分會，照睇James嘅年紀唔似咁大o架？原來佢等唔切政府派錢，預早墊支筆錢做善事，當攞到小母牛張捐錢收據後就話開心過自己使咗！
James足迹遍布世界各地，諗嘢都零舍跨國界。佢話世界人口啱啱突破七十億人，但就有十億人食唔飽，所以如果我哋係幸運嘅六十億人之一，就應該幫吓人，而小母牛收得嘅善款會用於內地扶貧。如果大家想學James咁做善事，除咗捐出六千蚊外，亦可以支持吓嚟緊上映嘅動畫電影「鐵拳血之復仇」，Sony將會贊助獨家慈善場，門票收入將捐畀小母牛，眾機迷想做善事就要快手喇！