煲呔曾喺○八年委任大批高薪副局長同政治助理，任期同佢一樣喺明年六月三十日屆滿，三年幾以來相對表現較好嘅原政制及內地事務局副局長譚志源及原食物及衞生局副局長梁卓偉，都已先後升咗做正印局長同特首辦主任，好有機會可以留任下屆政府。不過，其他十多名副局同政助，表現同公眾認知度都唔合格，隨時面對失業危機。新任特首辦主任梁卓偉最近就狂派呢班舊師兄弟落區宣傳施政報告，為佢哋爭取連任大搞政績工程。
