天秀路緩跑徑 單車亂竄
天水圍天秀路公園緩跑徑近月時常遭單車駕駛者佔據，不時於周末傍晚使用緩跑徑的謝小姐直言單車對跑手構成危險，亦擔心緩跑徑軟墊會遭車胎毀壞，雖多次向康樂及文化事務署反映，但問題仍未見改善，她說：「如果有男跑手喺度喝住，佢哋咪識驚囉，但我一個女仔依家真係唔敢去跑步！」
康文署發言人承認，職員偶有發現市民於上述緩跑徑上踏單車，但違規者一般於職員勸喻後會合作離開。
發言人續稱，根據《遊樂場地規例》，除指定地點外，任何人不得於公眾遊樂場地範圍內踏單車，強調該署會加強巡察，並於有需要時採取檢控行動。
「成個公園都見唔到管理員，我又唔會帶住電話跑步，想求救都唔知可以搵邊個。」謝小姐指問題經本報反映後雖略有改善，但公園管理員數量仍然不足，難以即時處理巿民投訴。