原來喺過去嘅三年，工商界一共有百幾人參加咗國情研習班，一年兩屆，一共搞咗六屆。
喺尋晚嘅成立典禮上，出席嘅同學仔包括九巴金公主伍穎梅、國泰航空企業事務董事莊偉茵同佢老公黃楚權等。
睇番佢哋嘅理事會名單，包括全國人大吳亮星、金融界嘅許照中同馮孝忠，仲有旅遊界嘅胡兆英等，真係星光熠熠。
喺典禮上，第四屆嘅同學仔、香港中國旅行社出境旅遊中心副總經理柯天德、李嘉誠基金會董事洪小蓮同中華出入口商會常務會董陳健文喜相逢，大家傾起喺北京上堂時嘅趣事，特別係喺晨早流流以二鍋頭配饅頭做早餐，令佢哋好難忘。其實呢啲咪係國情囉，咁獨特嘅國情，唔學又點會知呢？