蔭權七年，禍港殃民，任內七大禍害包括：一.養肥地產霸權；二.加劇貧富懸殊；三.否決全民退休保障；四.管治唯我獨尊、漠視民意；五.破壞及犧牲高度自治；六.縱容警察濫權、打壓言論自由；七.拖延普選。
特首房屋立場遮遮掩掩，冇交代得失、撥亂反正原因，令人遺憾。特首治港七年，香港社會民生政策仍然係千瘡百孔，特首係後知後覺，甚至係知而不覺。
過去七年（曾蔭權）民望每況愈下……回顧一下不難發現，惠民政策因為未能有效掌握民意，變成吃力不討好、好心做壞事。
好多政策都係遠水不能救近火。開來一大張期票，但未必實施到，今份報告如果係五年施政的成績表，絕對有所缺失，未必合格。
點解係要做一啲嘢令市民嘈吓政府？明明五千個（居屋單位）係好，就係要二千五；明明（長者）兩蚊搭車係好，又係要一年幾先做好！
兩年前一個百五呎劏房租千五蚊，今時今日升至四千蚊，你話合理咩？但我睇唔到呢份施政報告有新出路，可以解決到問題。
任內最後一份施政報告，對工業發展政策隻字不提，只側重金融業發展，只令工種不斷收窄，令香港結構愈來愈單一。