【本報訊】老千如於本港「開班授徒」，教授出千之法，究竟是否違法？執業大律師陸偉雄指出，即使「千術學校」未有直接參與行騙，但教授千術的行為，已等同協助及教唆他人犯罪，同樣違法，「雖然呢啲學校未必有份呃人，但佢哋就等同鼓吹學嘅人用呢啲方法行騙，同樣違反咗賭博條例。」
陸偉雄續指，市民學習出千方法並不違法，但以所學之千術行騙，則屬違法行為，判罰輕重則要考慮其他客觀因素，他說：「考慮嘅因素可能包括係咪早有預謀，喺賭具上面做手腳，嚴重性又會比偷睇人哋啲牌高；其他因素仲包括騙取金額大小等。」根據本港法例，於賭博時作弊，最高刑罰可判處罰款一百萬元及監禁十年。