散熱器擾途人 領匯懶理
居於屯門大興邨的麥小姐近日發現，大興商場地下將有新店開張，但行人路通道旁卻新增七部冷氣機散熱器，令麥「嚇咗一跳」。同邨居民劉先生亦發現問題，「嗰度係去街市嘅必經之路，平日好多人行，咁散熱法點得？」
領匯發言人指出，有關散熱設施的安裝高度符合法例要求，為免居民疑慮，日前已將兩台散熱器搬至遠離行人通道，或考慮把其餘散熱器遷至其他位置。
收投訴後竟搬入街市
不過，劉先生對領匯的回應卻大表不滿，「領匯唔應該淨係考慮商戶，要顧吓居民感受，各方面協調先得！」麥小姐則認為現有解決方法無助改善問題，「領匯將啲散熱器搬入街市，街市咪仲熱？」
「以前房屋署規定所有散熱器要安裝喺商場天台，領匯接手之後就無王管，反映咗成個月都唔理！」當區區議員陳有海認為領匯的做法大有商榷餘地，並將向相關部門反映，要求跟進。