夕陽政府就《競爭條例草案》提出六大修訂，畀人話係無牙老虎兼向商界跪低，連消費者委員會總幹事劉燕卿都對政府感到失望。劉燕卿話，當局喺修訂中取消私人訴訟權後，對中小企已相當慷慨，修訂後嘅罰則亦作出好大讓步，已經冇可能再讓步，再冇妥協嘅空間。好似立法會議員劉慧卿嘅金句：「泛民主派已經退無可退，再退就退落維港喇」，莫非要競爭法退落維港？
