近年公立醫院醫護人手流血不止，醫生不論資歷都紛紛轉投私家市場。立法會議員張文光尋日趁衞生事務委員會開會，力數當局對醫生流失束手無策，慨嘆醫護人手問題唔係死症都係重症。食物及衞生局局長周一嶽懶風趣咁話人手問題唔係死症，而係要長期跟進嘅慢性病，點知即刻畀張文反寸，話如果政府繼續當慢性病係常態，到遲下病情惡化，就回天乏術啦！
