擾擾攘攘，夕陽政府終歸要向商界屈服，為《競爭法》剝牙。一力承擔《競爭法》嘅商務及經濟發展局局長蘇錦樑（Greg），尋日出嚟公布修訂方案時全程苦笑，佢用中文簡介完方案之後轉身想走，似乎唔想回應記者提問，好似競爭法一樣變成無牙老虎。
不過，新聞秘書提醒佢要用英文簡介埋個方案，最後佢講埋英文部分兼答咗一條問題，死撐新方案都打擊到反競爭行為喎。
