逾三千人簽名 促禁絕《爽報》
【本報訊】壹傳媒旗下免費報紙《爽報》漠視民間反對聲音，繼續渲染色情暴力，引發全城怒吼！有團體昨日在旺角街頭發動簽名反《爽報》行動，兩個多小時獲得逾三千個市民簽名支持，顯示全港市民對《爽報》憤怒及不滿情緒已達臨界點。有市民怒斥說︰「萬惡淫為首，《爽報》就係標榜淫邪，點解政府唔禁咗佢，滅咗佢，等佢依家『淫』亂人間！」
「反爽報色情資訊行動」昨日下午三時在旺角行人專用區發起簽名行動，又向途人派發單張，呼籲市民對《爽報》「罷看、罷取及罷入屋」。途經的市民紛紛主動上前簽名，其中一名來自聖公會呂明才中學的中五生黃同學說︰「《爽報》太多色情圖片啦，連副刊都連載色情小說，用字又露骨，所以我啲學校已經禁止學生帶《爽報》同《蘋果日報》啦！」另一名吳小姐亦說︰「連天氣女郎都要用啲咁鹹濕嘅相，不如索性轉做鹹書啦！」
團體籲政府壓止淫邪之風
余太昨日攜同三歲的兒子簽名後說︰「我個小朋友雖然依家唔識，但係為咗佢將來唔會咁快接觸色情，我希望港府快啲禁咗佢！」另有年輕音樂人Gary怒斥說︰「要搞噱頭，就整本鹹書！唔好印喺報紙度周街派，影響晒啲小朋友。」
「反爽報色情資訊行動」召集人李偲嫣指，昨共收集逾三千個市民簽名，將會交予教育局，向港府表達市民對《爽報》的怒意及反感，要求當局盡快採取相應行動，以壓止淫邪之風。