煲呔曾喺最後一份施政報告終於提出復建居屋，但隨即被批評點解咁遲先肯「打倒昨日的我」。全國人大常委范徐麗泰尋日就數臭煲呔曾，話佢應該一早宣布復建居屋，又話如果早兩年宣布，好多人就唔使等咁耐，搞到冇得上車買樓喎。范太又話，如果新居屋補地價要計算利息，就未必好似中六合彩，亦無舊居屋咁好，咁就唔係一件值得高興嘅事。
