車場遍危樹康文署袖手

在粉嶺安樂村上班的李先生指出，去年初已發現安樂門街露天停車場有多棵樹木生長欠佳，但一直未見有相關部門處理，擔心有倒塌危機，「啲樹爛咗成年，仲畀蟲蛀咗個大窿，但就冇嘢圍住又冇保養，冧落嚟砸親人就大件事！」李指附近為工業區，有不少大型車輛停泊，倒車時又不時會撞及樹木，「都唔明點解要咁樣規劃，政府成日話『人樹共融』，家陣就搞到『人樹皆險』！」

常遭車撞 移除等一年

負責管理該一帶樹木的康文署發言人表示，職員一直有為該處樹木作定期視察及護理，早前發現兩棵銀樺樹樹身出現洞穴，但未有即時危險。及至六月下旬證實樹木結構受損且不能復原，並有潛在倒塌危險，故按部門程序申請移除樹木。發言人又稱，職員同時發現上址有兩棵樹木懷疑被停車場內大型車輛撞至嚴重破損，有即時倒塌危險，遂連同早前有問題樹木一併移除。

貨車倒車時，不時會撞及樹身，令大樹受損。

多棵樹木的樹身滿布螞蟻，懷疑樹身已存在蟻穴。

不過，李先生近日再行經停車場時，發現仍有樹木乍現大洞，「啲樹個窿又變大咗，依家就愈來愈危險，如果仲繼續係咁拖，隨時又搞出人命！」

一年前蓉爛 粉嶺安樂門街停車場內兩棵樹嚴重破損，其中一棵樹身已呈中空。

一年後移除 破損逾年的樹木近日才被移除，康文署被質疑反應遲緩。

學者促原址另植樹種

「要等到有即時倒塌危險先做嘢，擺明係歎慢板啦！」立法會議員王國興直斥康文署反應緩慢，直指部門墨守成規，僅按本子辦事，罔顧市民與樹木安全，「就算啲樹冇即時危險，但明知啲樹嘅情況愈來愈差，又咁容易畀大車撞到，都好應該即刻搵嘢圍住佢先！」

香港大學地理系講座教授詹志勇則狠批康文署護樹不力，「明知啲樹有問題都唔加條柱圍住佢，任得啲車撞埋去，梗係危險啦！」詹指並非所有有蛀洞樹木均需即時移除，但強調倘蛀洞大於樹幹直徑三分之一，即表示情況危急，需作即時處理，而斬樹後亦應即時於原址種植新樹，並建議當局需另植樹種，「銀樺樹根本唔適合喺香港呢啲咁潮濕嘅環境生長，康文署揀樹嗰陣應該考慮埋呢點，如果唔係種幾多都係要斬！」

記者嚴朗婷