投訴：厚德街市貨物阻塞通道
鄧女士與張女士每日均前往坑口厚德（萬有）街市購買餸菜，發現不少檔戶常將貨物擺放於行人通道，令購物者易被障礙物絆倒，張女士便勞氣地說，「條路已經唔係闊，仲要擺晒啲貨出嚟，搞到窄上加窄，行唔到又買唔到嘢！」鄧女士更指出街市防煙門亦經常被打開，洗手間水喉又「水長流」，「總之成個街市就問題多多！」
領匯發言人指出，已派員每天巡邏及監管街市，亦向違例擺放貨物商戶發警告，以確保街市內通道暢通。另外，由於居民多使用防煙門出入，故未必能長期關上。至於洗手間水龍頭問題，調查後發現由於有市民使用後未有關上，清潔承辦商會加強巡查。