隨時開槍場面緊張女店員有餘悸
【本報訊】「啱啱開緊舖，就聽到外面有差人大叫『唔好郁，放低把刀』，梗係有事啦」，目擊「雙槍對雙刀」驚慄場面的姓張海味店女職員，形容當時氣氛凝重，開槍大有一觸即發之勢。
張小姐指，涉案疑犯為「四眼佬」，為人沉默寡言，雖然經常碰見他，但鮮有打招呼。她只知對方負責推車仔送貨，是否與同事不合則不得而知。張又稱，兩警擎槍與疑犯對峙期間，大批警員接報趕至，由於他情緒激動，不斷高聲叫喊，警員也不敢妄動。警員只能好言相勸，約十分鐘後，即見警員衝上前將疑犯按地奪刀。
「海生行」開業28年
「海生行」一九八三年開業至今二十八年，主要經營魚翅、鮑魚、冷藏海產及罐頭食品等海味，更向「阿一鮑魚」供貨，顧客多數乘坐名貴車輛幫襯。老闆蘇傑開積極參與社會活動，現為香港廣東社團總會副主席，海味雜貨商會副主席，他更是退役馬匹「鮑勝」和「盟友」的馬主。