沙燕橋冇上蓋行人煎熬
政府近年致力提倡全民運動，惟一條設備欠完善的行人橋卻令市民「止步」！沙田沙燕橋橫跨城門河，接駁沙田圍與沙田市中心，每逢端午節更為市民欣賞賽龍舟的最佳地點。由於沙燕橋以全天候開放式設計，多年來無數居民均因「冇遮冇掩」而飽受日曬雨淋之苦，不斷要求運輸署加建上蓋卻不得要領。立法會議員狠批運輸署未能體察民情，促嚴肅跟進市民訴求，以完善社區設施。
阮先生於沙田工作，經常踏足沙燕橋往返沙田圍及沙田市中心。不過，每當遇上「好天曬、落雨淋」的日子，即倍感辛苦，「係就係可以搭車，但係好多街坊都想行吓，可以運動之餘仲可以慳番啲車錢，點解政府唔可以體諒吓？」阮指每日繁忙時間沙燕橋便會水洩不通，反映使用者眾，陽光普照的日子行人便慘被「乾煎」，甚至有中暑危機。
平時途人絡繹不絕
記者曾於上午十一時、非繁忙時間實地了解，發現橋上行人絡繹不絕，加上陽光普照，大部分途人均以傘「擋曬」，但仍汗流浹背，毫不輕鬆。
運輸署發言人指出，為善用資源，在一般情況下，當局在考慮是否為現有行人路加建上蓋時，均先行考慮有關路段是否主要行人接駁通道，例如往返公共交通交匯處及鄰近的大型發展區，同時亦須考慮該路段是否有足夠的行人流量及其他環境因素。發言人又稱，沙燕橋屬行車天橋，不屬於上述主要接駁通道，人流亦未屬高水平，故未有在該橋加建上蓋的考慮。
「如果人流唔高就不如封咗條路、唔好畀人行啦，政府又話叫人早一個巴士站落車行當做運動，原來又係講一套做一套！」阮坦言對運輸署的回應大表不滿，並指曾目睹有長者支持環保而堅持步行過橋，結果因「暴曬」而感不適；又稱不時看見家庭主婦為省車錢一手撐傘、一手「拎餸」，加上照顧小孩過橋，弄得「上氣唔接下氣」。
議員狠批不知民情
立法會民政事務委員會委員陳克勤狠批運輸署閉門造車，未有親身了解民情與實際情況，光作紙上談兵，「要知人流係咪多好簡單啫，喺繁忙時間落去現場統計吓咪得囉，點解咁都唔做？」陳又指政府經常亂用資源，人流少的天橋不但加建上蓋，更設置升降機，市區廢橋更多不勝數，促政府就實際需要回應市民訴求。
記者 林綺淇