學校添去顫器 教局卸責不支援
教育局今年向學校發出的「香港學校體育學習領域安全指引」中，建議全港中、小學在校內安裝「自動體外心臟去纖顫器」（簡稱ＡＥＤ），惟儀器需自費購買，部分學校無法負擔，一旦遇上學生或教職員心臟病發，便失去搶救的黃金機會。教育界人士批評教育局「有指引，無配套」，沒有向學校提供資助及配套，又沒有安排教師接受使用ＡＥＤ課程，只將責任推卸，做法不負責任。
據香港心臟專科學院的資料顯示，截至去年二月，全港只有一間小學和五間中學有裝置ＡＥＤ。在今年八月底，教育局向全港中、小學發出「香港學校體育學習領域安全指引」中，建議學校在急救物品項目上，額外設置ＡＥＤ。不過，現時每部ＡＥＤ售價至少數萬元。鮮魚行學校校長梁紀昌坦言，沒有獲得額外撥款資助，學校無能力購買。「沙士嗰時要買口罩、探熱工具、消毒啫喱，教育局都額外畀咗三千蚊學校，但今次咩都冇！」
梁校長又表示，「我哋學校得七班，一共二百零五個學生，每年有四十萬元津貼，但支付水費、電費及學生活動嘅雜項後，所餘無幾，想買部機都買唔到。」他希望當局訂定指引時，也要考慮提供津貼。
考慮不周 教師難配合
津貼小學議會主席張勇邦批評教育局考慮欠周全，「買儀器唔係咁簡單，仲有好多嘢要配合，好似老師要請假去上堂，同埋究竟要派幾多位老師去學習呢？我哋會員有成四百三十間，就算一間派一位老師，都有四百三十位，啲培訓機構又係咪應付得嚟？教育局出得個指引，都係想學校跟住做啫，依家好似拋咗個波畀學校咁！」
立法會議員王國興批評當局不負責任，「有新指引梗係要畀新資助。每間學校都有自己恒常嘅開支，突然加咗樣嘢，會失咗預算。」他認為當局應為學校提供額外資源，用作購買ＡＥＤ及培訓。
教育局發言人表示，學校可因應校本需要和年度預算，決定各項支出的優次，當局不會額外向學校發放津貼或撥款，協助購買ＡＥＤ。
專案組