亞洲電視誤報前國家主席江澤民死訊引起軒然大波，民主黨副主席劉慧卿決意追究到底，佢想立法會引用特權法調查事件，尋日就喺內務委員會上尋求支持，最終以三十票反對、十八票支持及一票棄權而否決，但佢稍後會喺立法會大會上再次提出，誓要追究到底。卿姐話，亞視新聞部主管都無能力處理一單新聞出唔出街，結果鬧出個國際大笑話，梗係要查啦！
