中環出更：吳鴻森領潮流推閃購紅酒
QR Code（二維空間條碼）愈來愈流行，已廣泛應用到各種產品及宣傳品上，只要用手機程式掃描條碼就可取得有關產品資料。今年初另起爐灶開設大棧燕窩海味及紅酒專門店嘅吳鴻森（Sam），都引入熱爆日本同韓國嘅「閃購」概念，喺紅酒樽身或廣告加入QR Code，顧客訂購紅酒，只需三分鐘！
落單快過煮麵
阿Sam話，顧客只要用手機對準紅酒嘅QR Code掃描，所選紅酒名稱、價錢等資料，就會即時喺手機屏幕上彈出，再按下付款鍵，落單話咁易，快過煮碗即食麵。呢種閃購方式，喺韓國好流行，唔少零售產品海報都有加上QR Code，客人想買就買，大大增加銷售額，佢相信呢股閃購風氣，好快紅爆香港。
