有人說得好，唔睇《爽報》是為自己的尊嚴而戰，原因好簡單，人哋日日塞啲垃圾畀你，唔通你都照單全收咩！有道是「臭肉招蒼蠅」，若然一份宣淫販賤嘅免費報紙——真的不幸成為香港最多人睇嘅報紙，確實是香港人嘅悲哀！港人真係一啲品味都冇。
咁又未必，只要睇吓淫賤黎份免費報一出，人人喊打就知，校園禁入、屋邨禁入，如今好多覺醒嘅讀者，開始向淫賤黎嘅《爽報》說不了！即係送都唔要！等淫賤黎同十九才子自己爽死了！有人建議喺社交網頁成立一個唔攞《爽報》群組，老朽拍掌稱快！事關睇得多如此低俗販淫嘅免費報，除污了雙眼更阻塞閣下思維，漸漸就成腦殘。
秦始皇焚書坑儒，冇錯係反智，不過，佢冇塞啲狗屎垃圾畀你喎！淫賤黎如今卻大肆放毒，害人害物，天理不容也！
金聖嘆批《水滸傳》第三回，其中有一段曰：「天下真正英雄，如魯達、李逵之徒，只是不好淫慾耳。至於兒女離別之感，何得無之？故魯達有灑淚之文，李逵有大哭之日也。」
真正英雄自然不好淫慾，因心中有「放不下」之情，這情，是對自己人性的一種真誠流露，如魯達一路護送林沖到滄州，道：「殺人須見血，救人須救徹，洒家放你不下，直送兄弟到滄州。」英雄行事，情義兩心知。
如今，淫賤黎宣淫販賤愈來愈放肆，有良知嘅港人不禁滿腔怒火：淫賤黎，究竟港人做了甚麼，你要咁對佢哋？