投訴：九巴49X失準乘客轟離譜
巴士班次失準，令乘客失卻預算！往來青衣碼頭至沙田廣源邨的九巴49X線，原定班次為每隔八至十分鐘一班，不過，朱先生發現最近班次經常失準，日前傍晚七時許在青衣長發邨分站候車，等候半小時才能登車，「嗰半個鐘唔係因為客滿上唔到，而係一架車都冇，最近成日都係咁，九巴都好離譜喎！」
九巴發言人承認，根據行車紀錄，上述路線巴士由於有車長臨時因病缺勤，加上受沙田鄉事會路一帶交通阻塞影響，令上述時段班次略為延誤。站長已安排到達總站的車輛盡快開出，以疏導乘客。該公司會繼續密切留意該線服務情況，如有需要將調動班次。
「來來去去都係用車長病咗、交通擠塞嘅藉口，九巴咁大間機構，要認真檢討班次足唔足夠至得！」朱先生認為，九巴應該考慮增加班次滿足乘客需求，並加強調配後備人手以作應變。