投訴：行人路凹凸維修仍未妥
行人路路面疏於保養，隨時變成行人陷阱！小文指出，欽州街西至聚魚道之間一段行人路綠樹成蔭，惟路面凹凸不平，擔心行人稍一不慎會絆倒受傷，「成條路凹凹凸凸，有啲路磚仲誇張到凸出吋幾兩吋，附近啲屋邨又多老人家同小朋友，唔小心跌親真係會撞穿頭！」
路政署發言人表示，經派員視察後，發現路面不平因樹根向上生長所致，已指示承建商作臨時維修工程，並強調現正訂購合適的行人路路磚，以便進行重鋪行人路路面工程，預計於十一月展開，明年初完成工程。
不過，小文卻不滿當局辦事不力，有浪費公帑之嫌，「佢話有做過臨時維修工程，但條路就乜嘢改善都冇，臨時維修完又嚟個全面維修，點解唔一次過整好晒佢？浪費公帑整完又整！」促當局盡快修妥上址行人路路面，以保障行人安全。