政情：菁英辣妹挑戰阿牛
人生如調味料，甜酸苦辣樣樣齊。年僅廿四歲嘅菁英會成員李進秋（Jenny），已嘗盡苦痛滋味，年前丈夫因癌病去世，留下她與歲半女兒，人生跌進了谷底，丈夫愛助人嘅身影一直揮之不去。後來佢想通咗，擦乾淚水，到處做義工，延續丈夫嘅愛，仲報名參選嚟緊東區區議會樂康選區，挑戰社民連老將「阿牛」曾健成。
來自貴州嘅Jenny，係靚女兼辣妹一名，從小愛吃辣，韓國料理辣而不膩，最啱佢胃口。吃得辣，個性也特別強，除咗創立廣告公司做老闆外，Jenny亦積極扶貧，多次參與內地建校及汶川大地震賑災等工作，又加入菁英會，與志同道合嘅青年才俊齊做義工。○九年，佢創立非牟利機構「維社」，不時探訪青少年及老人。
走進社區，Jenny遇見老來不離不棄嘅恩愛夫妻，又碰見債主臨門嘅悲慘媽媽，每段故事都觸動心靈，亦能令佢變得堅強，佢正計劃將所見嘅真人真事輯錄成書，為港人打氣。