眾所周知，兩名疑似特首候選人行政會議召集人梁振英（CY）同政務司司長唐英年（唐唐），都已將全副心機放喺下屆特首選舉上，對現屆政府同行會工作無心戀戰。其中CY更已向煲呔曾表明辭職意向。不過，煲呔曾尋日仍堅稱冇正式收過兩人辭職信，指唐唐作為問責官員，仲有好多嘢做，又要求CY就十月施政報告畀埋意見先走。如果為咗保住自己同夕陽政府阻人辭職，就正一自私精喇！
