現代收買佬 轉型攻舊酒
【專案組報道】內地人富起來，資金充裕，除炒樓、炒股票外，為了充高檔，擁有陳年舊酒變成身份象徵，故此，陳年舊酒變成有價有市，近年更成為熱炒目標，吸引不少收買佬「轉型」。業界估計，「現代收買佬」，由數年前的數百人，增至近日的約四千多人。
內地人為體面搶購 價格上升
「依家有錢嘅內地人，屋企酒櫃一定要有幾支陳年舊酒，咁至夠面子。」在柴灣收買洋酒的阿明（假名）表示，內地人為了體面充高檔購舊酒，部分停產的酒品，價格更不斷上升。阿明形容，收買舊電器家具已是黃昏行業，毛利微薄，不少同行已改為回收舊酒。
原本只會收買家具電器的甄先生，眼見同行紛紛轉型，一年前亦開始加入收買舊酒，他說：「依家都仲會收電器，但主要收入來源都係靠買賣舊酒得嚟。」
「我收咗酒，會由水貨客帶到深圳，交畀我嘅拍檔，再由佢哋轉售到深圳或廣州嘅酒莊。」甄指出，內地酒莊收買價較高，同行大都傾向將酒轉售，從中可獲利一成多。
港九罐頭洋酒伙食行商會副會長李廣林表示，洋酒及中國製酒的價錢均出現明顯升幅，其中洋酒比去年同期升近二至三成，而茅台價格在今年四月至今亦有一成增長。」