政情:黃宏發轟政府 侵犯原居民權益

政府打算將五十四幅毗連郊野公園而尚未有法定規劃嘅土地,納入分區大綱圖或郊野公園範圍,鄉議局尋日開會一致通過反對政府咁做。鄉議局執委黃宏發話,反對計劃絕對與利益無關,而係原居民權益受到侵犯,將私人財產公有化,絕對唔公道。

鄉議局主席劉皇發就話,遲啲會組團訪北京,唔排除會告御狀,仲話鄉議局聯同友好人士,最少有一百個特首選委喎,唔通佢想預先向下屆特首施壓?

Money18免費即秒股票報價網站現推出8升級功能,財經資訊,實時實發!