港大檢討國務院副總理李克強到訪大學保安安排嘅小組日前開會，但係港大一眾學生代表都唔願意出席，費時畀人話為呢個唔透明、唔公開嘅小組塗脂抹粉，將個小組合理化。港大校務委員會主席梁智鴻尋日再次公開呼籲學生代表加入小組，仲話學生係大學好重要嘅一部分，如果冇咗佢哋嘅聲音同意見，擔心得出嘅結論唔夠完善喎。唉，早知當日，何必當初呢，如果一早識得企硬，唔好畀香港警察亂咁嚟，就唔會有今日嘅結果啦。
