政情：禁毒專員 靜靜雞換人

雖然駐京都好似幾好，但之前日本發生九級大地震加上核輻射，據聞駐東京經貿辦有貿易代表落荒而逃自己買機票返香港，搞到商務及經濟發展局要派另一個人接替，影響晒港府人員喺嗰次事件嘅英勇形象，而日本近年唔係地震就海嘯，Sally睇嚟都要諗定辦法為自己同下屬定驚，防止同類事件發生，費事又畀人話就唔好啦。

至於接替黃碧兒做禁毒專員嘅許林燕明都唔嘢小，之前係勞工處副處長，處理過環球貿易廣場工業意外幾單大嘢，主力做職業安全及健康，同依家禁毒處提倡健康生活一脈相承。