民協26人出選 誓殺出重圍
【本報訊】「今次係咁多屆以嚟最艱巨、最難打嘅一屆！」民協昨日舉行區議會選舉誓師大會，出選深水埗麗閣的立法會議員馮檢基明言，民協將飽受雙邊夾擊，先有建制派「派米、派雞、派棉胎」，後有人民力量派人狙擊「割票」。馮檢基指今次民協派出廿六人出選，已有九區與人民力量撞區，質疑對方是否真正民主派。「一唔同意你就圍你、兇你，呢啲人民協係唔會驚嘅！」
民協一共派出廿六人出選，當中十四人部署於老巢深水埗，其餘散發各區，但九龍西仍是主戰場。誓師大會昨日於油麻地榕樹頭舉行，民協更專誠派出一架旅遊車，接送數十名在九龍城及深水埗的民協支持者到場參與誓師大會。
建制派及人民力量夾擊
馮檢基形容今仗是民協多年來最難打一仗，因為除面對建制派的攻擊外，人民力量的「拔筍行動」（筍是民協標誌）亦將矛頭指向民協，派出九人狙擊民協。馮檢基說，不會害怕人民力量狙擊，因為他們不配稱為民主派。「街坊眼睛係雪亮，知道邊啲人做到嘢，我要民協繼續做政治清流！」