疊裝冷氣機安全成疑
冷氣機屬大型家庭電器，穩妥安裝至為重要。東涌裕東苑的居民阿生發現，賀東閣部分低層住戶將兩部冷氣機裝置於同一窗台位置，擔心有欠安全，「兩部裝埋喺一齊，容乜易負荷唔到？跌落街整親人咪大件事！」
負責管理的康業服務公司發言人表示，有關業戶已裝設金屬框架以固定及承托冷氣機，管理處亦曾派員檢測樓宇外牆情況，如發現冷氣機安置有危險，會要求有關業戶即時處理。
「居民嘅安全最緊要，檢查有冇裝得穩陣，大家都可以安心！」離島區議員鄧家彪認為，管理公司並應向有關居民了解以上述方式安裝之原因，考慮作進一步跟進。