陪診計飯錢院舍亂收費
私營護老院帳目混亂，社會福利署被指監管不力！「交雜費都要六千幾蚊，仲貴過院費！」元朗一私人護老院指向宿友家屬收取每小時四十元陪診費、甚至職員「飯錢」，期間院方因未能出示單據而被揭發帳目混亂。社署於本報轉介後突擊巡查，證實院方未能提供覆診紀錄及證據，涉嫌違反指引。立法會議員與學者皆促社署訂定清晰收費指引，避免長者及其家屬不知就裏下多付費用。
「錢就收咗，但證明就攞唔到出嚟，有冇睇過醫生都唔知！」張小姐（化名）的母親因病不良於行，需長期入住護老院。今年初入住現居護老院後，即接連被要求繳付高昂雜費，多番查問下，始發現多次被收取職員陪診費及「飯錢」的覆診竟未有任何紀錄，「張張單都咁貴，真係好難負擔，點解社署完全冇監管？」
護老院發言人回應查詢時，以「新接手」為由解釋有關指控。發言人說，今年五月始接掌院舍，接手後只「跟上手做法」，因超時陪診而向家屬收取職員飯錢，現已停止收取有關費用。
突擊巡查證無紀錄
發言人強調，所有覆診皆有紀錄，並否認未能提供覆診證明之指控，「可能係其中有一張睇急症嘅掛號單唔見咗，但係我哋都有藥可以做證明！」
社署發言人則稱，曾派員前往院舍作突擊調查，發現該院以往曾向住客收取車資及陪診費，卻未能提供覆診紀錄或證據，有違署方指引。發言人強調，職員外膳飯錢不應由住客提供，安老院牌照事務處已要求院舍處理問題及作改善，並重申安老院必須備有收費表，清楚列明項目收費，費用亦須保存適當紀錄。
議員直斥肆無忌憚
「喺香港睇醫生一定有單有據，有冇陪過診實有紀錄，邊有得呃？」立法會社會福利界議員張國柱直斥有關院舍做法「肆無忌憚」，做法並不恰當；亦指有關飯錢收費全不合理，「陪多兩個鐘就要飲杯茶，三個鐘又要食個飯，咁即係乜都得啦。」張國柱促社署須就有關安老院收費列出清晰指引，並多向家屬宣傳權益，避免家屬被多收費用。
香港浸會大學社會工作系高級講師李建賢博士直指問題反映社署監管不力，「護老院係要攞牌嘅機構，社署除咗監管啲床位夠唔夠、設施足唔足，陪診服務同收費都好重要，冇理由忽略！」李促社署於發牌時須加緊留意院舍收費是否合理，以免長者因收費問題延誤就醫而令病情惡化。
記者 林松澧