拖咗大半年嘅廣播處長人選尋日終於揭盅，由政務官鄧忍光空降出任，官方話因為早前進行嘅公開招聘搵唔到合適人選，變相批評有份入紙應徵嘅現任助理廣播處長戴健文唔夠班。不過，鄧忍光本身亦被指全無廣播事務相關經驗，甚至有傳佢係年前搞到滿城風雨嘅慳電膽現金券幕後黑手，調任勞工及福利局後亦唔覺有乜建樹。如果話戴健文唔合適，鄧忍光就更值得質疑囉！
