中環出更：李殷泰偕東涌童齊繪巨畫
被高官稱為「三碌拎」嘅昂坪360纜車，話咁快就五歲生日。為慶祝過去不平凡嘅五年，三碌拎特別搵咗五十幾個來自東涌嘅五歲小朋友，齊集東涌纜車站，同董事總經理李殷泰及新進畫家Fion Ko攜手繪畫咗一幅巨型油畫，主題為「光輝未來」，寓意三碌拎有更豐盛璀璨嘅未來。
慶祝「三碌拎」五周年
卓妮睇過幅油畫，色彩繽紛，內容由Fion精心設計，角色包括其創作人物La Petite Mu Mu，同三碌拎猴氏家族嘅小朋友NN及PP，呢啲角色陶醉喺美好嘅未來，臉上充滿歡樂。
嚟緊十八日星期日就係三碌拎嘅五周年大日子，除咗舉行連串慶典儀式外，凡喺九月生日嘅香港居民，都可以喺九月份免費獲贈「水晶車」來回纜車旅程，而同行嘅親友購買標準車來回門票，亦即時免費享有「水晶車」升級服務。