中環出更：黃傑龍坐郵輪暢遊阿拉斯加
地球暖化，海洋生態面臨威脅，如果能夠親身接觸海洋，相信感受更深。叙福樓集團執董黃傑龍（Simon）早前同家人暢遊美國阿拉斯加，近距離遇見大群鯨魚、海豚喺海中暢泳嘅妙姿，令人讚嘆之餘，仲體會到藍天碧海得來不易，呼籲大家應該好好珍惜海洋。
睹冰川觀鯨魚賞海豚
Simon趁早前暑假，同家人齊登上由溫哥華啟航嘅豪華郵輪，重點暢遊美國阿拉斯加，該處擁有全世界最多冰河，首次目睹冰川，認真嘆為觀止。八日海上之旅，與無際海洋為伴，Simon不時走上甲板看海，發現原來貪玩嘅鯨魚，不時伴着郵輪航行；而海豚腰力驚人，喺大海碧波暢泳，構成一幕幕難忘回憶。
今次郵輪之旅，仲為Simon帶來意外驚喜，事關八月十五日係佢牛一，郵輪職員就靜雞雞為佢送上生日蛋糕，而五歲囡囡Charlotte就買來迪士尼領呔送畀爸爸，真係冧到極。
今次旅程，Simon不忘工作，期間參觀三文魚養殖場，佢話公司旗下日本食肆經常引入大批三文魚，所以了解三文魚生態，對工作幫助好大，佢又趁機掃入三文魚乾及三文魚罐頭做手信，收穫相當豐富。
卓妮