中文大學校長沈祖堯尋日首次公開評論香港大學百周年校慶風波，話相信每間大學都會繼續保持言論同思想自由。問及明年就係中大五十周年校慶，校方會否邀請國家領導人出席同要求警方協助，佢就話暫時未有決定喎。梗係喇！港大邀請國務院副總理李克強出席校慶典禮搞到一鑊泡，校長徐立之成為眾矢之的，中大搞慶祝活動，沈祖堯當然要引以為鑑喇。
