中環耳目：EQ食上癮推介懷石素菜

EQ一向好喜歡食懷石料理，未發現呢間餐廳前，每年有機會就會飛去日本京都擦一大餐，佢話，懷石料理除咗考師傅工夫外，享用時嘅環境同樣重要，因為正宗嘅懷石料理往往需要食幾個鐘頭先食得晒，如果環境唔好又點得呀？

冰鎮番茄入口即融

懷石料理講究時令，所以每次菜式都未必一樣。好似今次冰鎮溫室番茄咁，EQ一食入口即時忍唔住話好味，因為入口即融，而且非常清甜。主菜方面，EQ對呢度嘅陶壺素菜湯、鐵板金菇豆腐同素菜壽司都好滿意。餐廳當日見到EQ上嚟送上一道北海道冰鎮生粟米，呢種粟米唔使煮㗎，就咁生食已經滋味無窮，EQ食過都讚不絕口。

素菜壽司選用時令蔬菜，EQ話每次嚟食都有驚喜喎。

懷石料理講究官感嘅享受。