| 我要讚讚你： | ||
| 我要讚讚你：苦心保安全 訓練有秘技 | ||
成功教練亦有其成長之路，數年前張Sir初出茅廬教授智障人士時，點名發現「唔見咗兩個」，後來得知「其中一個鎖咗自己喺更衣室，另一個走咗出去睇巴士。」經此一役，他了解到需為特殊人士的課堂管理多下苦心，「正常學員，會知道自己係嚟學嘢，知道我哋係教練，佢哋唔會。」同時，他往後亦不斷提醒自己，「訓練係其次，學員的安全最重要！」
張Sir更在與特殊學員不斷的接觸中，領悟到教導他們的「秘技」。他指出，部分特殊人士未必能夠「學懂」每個動作，最多只能模仿；而有些學員會對教練產生抗拒，自閉症患者甚至會有攻擊性動作，「諗方法令佢哋當你係朋友，肯同你玩，佢哋就會模仿你。」
除此之外，張Sir亦表示，特殊人士未必能夠直接用言語表達自己的想法及狀態，所以教導時要更加用心觀察，留意他們的面部表情以及身體語言，從而分析出他們的需要。