教局混亂折騰新移民童
教育局涉行政失誤，險令學生「冇得開學」！家住打鼓嶺的新來港學童獲派往位於沙頭角的學校，因路途遙遠而要求轉校，惟至八月底仍未獲任何回覆，令學生與家長急如熱鍋上螞蟻。直至本報轉介後，教育局竟旋即安排學生入讀打鼓嶺區內學校，遭立法會議員狠批未能妥善處理學童入學安排，須就事件交代。
「我同阿仔七月頭落嚟香港團聚，但如果仲搞唔掂學校啲嘢就要返大陸讀！」等候經年才能一家團聚，李太（化名）始料不及入學問題險令家庭再遭拆散。
李太指祥仔（化名）甫來港已即時向教育局呈交資料以便安排入學，未料一波三折，「原本學校打電話嚟叫去面試，但見完之後佢哋又話收夠人，我問個老師可以點啦，佢淨係話唔會冇書讀，點知七月尾就話派祥仔去沙頭角！」家住打鼓嶺的祥仔對被派往沙頭角學校大感愕然。
「打鼓嶺去沙頭角要至少兩程車，咁遠根本冇可能，我問教育局有冇得轉校，佢哋話八月中會覆，點知等極都冇下文，次次搵人都話負責同事放假。」李太為免兒子「冇書讀」而四出叩門，可惜每次均失望而回。直至八月底，李太再次向教育局職員查詢，「佢哋居然話我哋已經註咗冊，我連沙頭角邊間學校都冇印象，邊有可能去咗註冊？」
事件經本報轉介後即露曙光，教育局竟旋即於翌日主動聯絡，表示祥仔已獲安排前往附近學校面試，面試後祥仔並獲學校取錄，李太坦言至此才鬆一口氣，「如果唔係《東方》幫手，我諗依家都仲未有學校收佢！」
無正面回應註冊問題
教育局發言人指出，七月中旬接獲投訴人向北區學校發展組遞交「查詢入學登記表」，並曾安排學生前往粉嶺一學校面試，惟在該校未有錄取通知下，投訴人再向該局要求安排打鼓嶺區學位。直至八月底，該局獲悉打鼓嶺學校有學位空缺，遂安排學生前往面試。不過，對於學生被指已於沙頭角區學校註冊、以及遲遲未獲安排學位的指摘，發言人則未有正面回應。
立法會教育事務委員會委員陳淑莊指新移民來港後須面對適應問題，教育局無法為學童安排學位，將令新移民無所適從，「就開學都仲未派到學校，邊個會唔急？」陳指教育局須交代事件是否涉及職員處理期間出現失誤，有錯就要認，以避免再有同類事件發生。
記者：陳婉蘋