國務院副總理李克強訪港期間，全程被大批身份不明嘅黑衣人包圍保護，佢哋仲以疑似內地公安嘅手法，無理扣押示威者同阻撓記者採訪。警務處處長曾偉雄尋日終於喺立法會證實，呢批黑衣人其實係香港警察，又聲稱佢哋逗完人一輪之後，都有表明自己身份。立法會議員張文光揶揄呢批黑衣人係「黑衣公安」，喺港大禁錮學生嘅軍裝警員就係「防暴公安」，咁曾偉雄自然就係「公安部長」喇。
