弱聽早學說話 三歲前黃金期
【本報訊】「聽唔到唔代表講唔到。」是坊間的謬誤說法，事實並不然。弱聽的兒童若能及早發現問題，經過評估再接受二至五年訓練，小朋友除能夠張開口說話，更能演繹出精彩的故事。有語言及聽覺訓練中心校長認為，家長只要把握弱聽孩子三歲前的學習黃金期，盡快讓他們接受說話及聽覺訓練，就可以讓他們像一般小朋友般說話及上學。「聽覺有問題嘅小朋友其實係識講嘢，佢嘅聲帶係無問題。」
年紀愈大問題愈多
就讀小三的李知恩，七個月大由媽媽帶到健康院檢查驗出聽覺有問題。「當時真係好驚好徬徨，惟有企響聽覺訓練學校門口求校長收我個女。」知恩在進入學校後，李媽媽仍然非常擔心女兒的學習進度：「睇到人哋啲仔女已經學識講詞語，但係我個女仲學緊發音，好驚恩恩會落後畀其他小朋友。」李媽媽續憶述上繪畫班有小朋友取笑戴了耳蝸機的恩恩，又拿走她的耳蝸機，但恩恩卻沒有因此不開心。「女兒年紀愈大，就會面對愈多問題，所以我會預先訓練佢嘅免疫能力。」經過三年多學習訓練後，恩恩的說話能力和其他小朋友並沒有分別，更在昨天親子講故事比賽中向其他小朋友示範講故事。
宣美語言及聽覺訓練中心總幹事龐劉湘文表示，若小朋友在出生時被診斷為弱聽，家長應把握他們一至兩歲多的學習黃金時間，盡早讓他們接受語言訓練。「愈遲發現，過了語言學習黃金期，小朋友吸收力就會無咁快。」中心會盡量利用小朋友的剩餘聽覺，教導他們掌握基本發音技巧，促成他們能用口語說話。「經過二三年嘅訓練後，小朋友可以入讀一般小學，同其他小朋友一齊上堂。」