投訴：滲水辦慢慢查離晒譜
屋邨滲漏無日無之，滲水辦被指「大歎慢板」！居於馬鞍山耀安邨耀頌樓的譚小姐指出，單位廚房及露台天花於○三年起已開始滲漏，雖向滲水辦反映問題多時，惟最終只被拋下一句「會調查」便不了了之。譚指滲漏情況不但持續，更有蔓延迹象，今年初再向滲水辦求助，可惜問題至今仍未解決，「滲水辦使唔使查咁耐？次次都淨係識話『會調查』，離晒譜！」
滲水辦發言人證實，今年一月接獲上述投訴，已進行初步調查，但未能確定滲水源頭，遂於三月委派合約顧問公司作進一步專業調查及測試，目前調查工作仍在進行中。
「滲水辦可唔可以畀番個服務承諾市民？點解唔可以喺調查嗰陣定時同市民交代吓進度？」沙田區區議員李子榮狠批滲水辦未有盡力改善服務水準，做法令人失望。