探射燈：N無長者難攞$6000

圖：吳啟偉／文：溫盈盈、陳偉豪

「我哋兩公婆周身病痛，成日都要睇醫生，已經用晒積蓄，依家要靠親戚接濟，所以我哋好需要嗰六千蚊幫補吓！」患有冠心病的七十七歲袁伯，雙腳曾做手術，由於行動不便，自九八年移居中山後便沒有再返港，至今仍持有舊式的香港身份證，「我喺香港冇人冇物，身體又唔好，點返香港換證？」袁指，他在港的銀行戶口早已經取消，如要他來港辦理領款手續，簡直「攞佢命。」袁嘆道：「依家地下有兩蚊我都冇能力去執，政府又唔幫我哋，嗰六千蚊都係冇望㗎啦。」

早前逾百名長者抗議，要求政府直接將六千元注入長者的生果金戶口。

邵建波批評政府無視內地港人領取六千元面對的困難。

中山逾百港人受影響

根據政府公布的派發六千元計劃，合資格人士可經銀行或香港郵政登記，透過銀行帳戶或支票領取款項。不過，對於長居內地，但在港沒有銀行戶口、親屬、智能身份證的「Ｎ無長者」，並沒有具體的派錢安排。據估計，單是中山已有逾百名港人未必能獲政府安排領取六千元。

行動不便的梁婆婆年輕時曾替洋人打「住家工」。

放大圖片

與袁伯一樣，移居中山的九十五歲「自梳女」梁婆婆，由於行動不便，現時起居飲食要依靠內地的姪兒照顧。梁體弱多病，常進出醫院。其姪兒說：「佢（梁婆婆）呢幾年用咗幾十萬（人民幣）睇醫生，每個月單係藥費都幾百蚊，六千蚊雖然唔多，但起碼可以減輕負擔。」他擔心自己內地人的身份，未必能代替沒有香港銀行帳戶的姑姑辦理登記手續及領錢，故此希望政府盡快交代細節，以解他們的憂慮。

財庫局敷衍回覆了事

「政府話在港行動不便嘅市民，可以搵受託人代為登記拎錢，但住喺內地嘅長者又點處理？佢哋（長者）喺香港冇親人，可唔可以喺內地搵街坊或親戚幫手先？政府咩細節都冇講！」與記者同往中山視察的東莞工聯諮詢服務中心主任邵建波批評政府派錢計劃欠周詳，除了未有交代受託人的資格外，連獲政府認可簽發醫生證明書的醫生及醫院名單，也未有詳細公布，「佢網頁只係話『由本地註冊西醫發出的醫生證明書』，咁係唔係代表內地醫院發出嘅就唔承認？政府根本冇理會住喺內地嘅長者需要。」邵建議政府委託民間團體擔任該批長者的受託人，集體為長者登記及領錢。

立法會議員黃國健亦指，早前曾去信財經事務及庫務局，提出內地港人領取六千元面對的困難，要求商議解決方法，惟當局拒絕，只敷衍稱「會書面回覆」。黃直指政府遺棄移居內地的港人，要求政府盡快提交具體方案。本報就「N無長者」所遇的問題向財經事務及庫務局查詢，發言人未有直接回應，只着記者參考日前公布的內容。