中環出更:王國強筍價機票環遊世界

任職航空公司着數多,好似廣東社團總會主席王國強(KK)咁,受惠細女Ann加入知名航空公司任職專業會計師,帶挈爸爸以筍價環遊世界。KK話,早前去曼谷出席會議,票價六百元搞掂,仲平過去台灣。

今年冧莊做廣東幫「幫主」嘅KK,九月一日正式就職。身為金城營造集團主席嘅KK人緣極佳,未上任已收到多份大禮,包括信和置業主席黃志祥帶頭捐一百萬元賀佢,全國政協委員劉夢熊都捐三十萬元,為總會帶來進帳。KK話,去年收到「零食天王」戴德豐、金利來太子爺曾智明等人各捐一百萬元,有信心今年班老友會繼續撐佢。

細女任職航空公司

講番KK千金阿Ann好叻女,留學多倫多大學會計系,返港後曾任職四大會計師樓,又協助打理家族生意,但佢個性獨立,月前憑實力考入知名航空公司任職專業會計師,令爸爸好欣慰。KK話,大仔紹基及二仔紹恒已逐步接掌家族生意,可安心喺二○一四年榮休。

卓妮

Money18免費即秒股票報價網站現推出8升級功能,財經資訊,實時實發!