中環出更：項明生會粉絲 全靠「時間碎片」
潮人形象深入民心嘅Sony Computer Entertainment HK Ltd市場部總經理項明生（James），對於時下年輕人瘋迷嘅社交網站自然唔陌生，佢幾乎喺主流嘅社交網站都有個人或者公司嘅戶口，至今已擁有七十幾萬粉絲。James話，佢日日都要利用「時間碎片」上網站與粉絲團溝通，認真少啲精力都唔得。
究竟「時間碎片」係乜嘢呢？呢個咁新潮嘅名詞，原來係James喺內地嘅朋友度學返嚟嘅，反映時下年輕人利用搭車、搭
、等人嘅零碎時間，喺手機上網或玩遊戲嘅實況，形容得相當傳神。
社交網站擁73萬粉絲
James份工經常要搞宣傳，加上佢鍾意利用公餘時間周遊列國，所以好投入喺社交網站與粉絲團交流見聞，淨係新浪、騰訊微博及facebook，佢嘅粉絲人數已有七十三萬人，認真唔簡單。卓妮都好鍾意睇James嘅facebook，總會發現驚喜，好似早排佢去古巴、墨西哥玩足十日，啲風俗民情喺James嘅筆下栩栩如生，令人回味無窮。
坐唔定嘅James，下星期又隨「小母牛」去貴州探訪，九月中旬再去東京參加遊戲展，咁仲未夠，佢同時密謀去一個神秘國度玩，大家想知呢個神秘國家係邊度，就要喺網上
實佢嘅行蹤喇！
卓妮