屋邨濕滑地磚遲未重鋪
葵涌石籬邨石怡樓正門及後門均鋪設防滑地磚，但居民吳先生則指地磚防滑功能不足，「年頭房署重鋪咗正門嘅地磚，但後門就冇整，房署點解整啲唔整啲，係咪後門少啲人用就唔理？」吳不滿房署遲遲未有落實後門防滑磚的改善工程。
「地磚濕滑跣親人點算？居民安全最緊要，房署到有事發生咗先整就太遲！」葵青區議員林紹輝認為，無論正門或後門均有居民使用需要，房署必須盡快安排改善工程，保障居民安全。
對於未有一併施工一事，石籬（二）邨服務辦事處發言人未有正面回應，僅指繼年初完成石怡樓上蓋加建及通道優化工程後，房署計劃於今個財政年度內，為該大廈後門休憩花園進行美化環境及同類優化通道工程，其中包括安裝欄杆及重鋪該處通道地磚。工程承辦商現正籌備各項物料及研究施工安排，預算工程於八月展開。