煲呔曾任期所餘無幾，莫講話施政瓣瓣唔掂，兼夾做到唔湯唔水，搞到民怨沸騰，難為佢顯露Hea住等收工態度。舊嘅施政承諾未做好，煲呔曾依家又為最後一份施政報告做諮詢，立法會各黨派自然要搵佢算帳，好似自由黨尋日就搵番佢未兌現嘅承諾逐樣批評，認真丟架。不過，該黨事後並無引述過煲呔曾嘅任何回應，睇嚟煲呔曾應該係自覺難辭其咎兼無話可說，見完面即快閃。
