政情：蔡冠深揸人仔抗通脹

中華總商會會長蔡冠深尋日同傳媒聚會時，就分享咗抗通脹嘅心得，佢話現時全球經濟情況不明朗，但係亞洲相對穩定，尤其內地係亞洲地區嘅引擎，所以值得投資人民幣抗通脹，佢仲自爆揸咗唔少人民幣資產，話長揸人民幣肯定冇蝕底喎。

咁動盪嘅亂市當下，協成行集團董事總經理方文雄繼續奉行穩健嘅投資策略，就係揸物業收租。

方文雄恐QE3拖累樓市

方文雄日前出席中總一個座談會時話，過去兩年政府不時出招調控樓市，但係香港樓價仍然相對穩定。現時全球都關注美國會否再推出量化寬鬆貨幣政策，萬一推出，恐怕香港樓市有冧市危險，方文雄話，呢個問題好考美國官員嘅智慧，推出前一定要三思而後行。