早前我哋寫過民主黨就黨員黃碧雲喺黃埔區嘅支持度進行民調，結果顯示鼠王芬未有太受替補風波嘅影響，支持度繼續遠遠拋離黃。黃事後就否認該黨或佢本人有做過類似嘅民調，但係就話的確有一個叫做「香港社情研究協會」嘅團體，近日喺黃埔區嘅巴士站做問卷調查。
黃碧雲事後打電話詢問該會，對方承認喺區做咗三至四百份問卷，結果唔會對外公布，又唔肯講做嚟為乜同係咪受人委託，佢就質疑係鼠王芬同黃埔西現任區議員劉偉榮所為。我哋問過鼠王芬同劉偉榮，雙方都否認參與其事。翻查資料，呢個協會之前亦被指幫過工聯會陳婉嫻喺九龍東做民調，疑似幫嫻姐搵區參選區議會同超級區會議席，手法低調神秘。